Támara Echegoyen – Cerimonia inaugural dos Xogos Olímpicos de París 2024

Nos seus cuartos Xogos Olímpicos a regatista galega Támara Echegoyen é a abandeirada da delegación española na cerimonia de inauguración dos Xogos Olímpicos de París 2024 xunto con Marcus Cooper. Colle así a remuda de David Cal, o anterior galego que portou a bandeira española nunha cita olímpica.

A principal novidade desta cerimonia inaugural é que non terá lugar nun estadio. O desfile dos deportistas das diferentes delegacións vai ter lugar no Sena. Irán en barcos, así que Támara Echegoyen estará coma pez na auga.

Ao realizarse ao aire libre os espectadores non terán que pagar para seguir o recorrido desde os peiraos superiores, si para os inferiores.

O traxecto é de 6 quilómetros, parte da ponte Austerlitz e remata en Trocadéro.