Adrián Ben 800m – Final
Adrián Ben accedeu á final do 800 metros masculinos que está prevista para as 14.05 hora española do mércores 4 de agosto. Para conseguilo, o galego asinou un tempo de 1:44.30, a mellor marca dun corredor español nuns xogos. Ademais, Adrián Ben é o primeiro español na historia en entrar nunha final duns Xogos Olímpicos na distancia de 800m.
Cun tempo de 1:45.96 o corredor de Viveiro, cruzaba a meta en quinta posición e acadaba un traballado diploma olímpico na distancia de 800m nos Xogos Olímpicos de Tokyo 2020. Dase a coincidencia de que era a xornada do seu aniversario.
